اعرفي الراجل من أكلته ...قبل ما تدبسى .

1-إذا كان عادي يعني لا بياكل بسرعة ولا ببطء ولا دايمًا شبعان ولامفجوع على طول..
يكون شخص معتدل في عواطفه وقراراته ويكون هذا من الرجال المحترمين..
كلبشي.. واستعجلي الزواج والحياة بإذن الله تكون على أحسن ما يرام..

2- إذا كان يحب الأكل من نظرة عيونه .. وأول ما يدخل من الباب وقبل ما يقول السلام يقول لك ريحة الأكل تجنن يا روحي أنت طابخه إيه ؟؟.. أموت أنا.. ويقعد يأكل ويحشر لحد ما يغمى عليه.. هذا إنسان طفس.. وهوائي.. وطايشومتتجوزيهوش لا يؤكلك و أنت نايمة....؟

3- أما إذا كان مش مهتم بالمرة.. و ما يقول:
حلو ولا هذا عادي ولا مالح ولا مستوي ولا لسه ني ولا يعلق أي تعليق
وعمره ما يقولك جوعان أو شبعان .. << يعني لو مش هياكل أسبوع ويفضل ساكت ..
هذا إنسان مالوش لازمه.. << وجوده مثل عدمه .. وأنصحك بدل ما تتزوجيه أتبنيه..

4- أما إذا كان يأكل مثل ما يكون حد يجري ورااااه وساعة الأكل بيجيله حالة تلبك معوي.. ويقوم من على الأكل قبل أي احد ثاني
يكون متسرع.. ومتهور في اتخاذ قراراته وممكن بعد الزواج يكتشف انك مش ملهمته..ومش فتاة أحلامه ومش حلمه..
ويروح مطلقك بالثلاثة.. << ربنا ما يكتبها على وحده فيكنا ..
ابعدي انت بدري أحسن لكرامتك.

5- أما إذا كان يأكل على مهله.. ويمزمز.. في كل صنف لوحده.. ويسأل عن كل صنف و مقاديره وكيف طريقته ويقعد يستطعم في الأكل من العصر إلى المغرب.. خدى بالك منه يا قلبي النوع اللي له مخ.. وبيوزن الأمور بطريقه تفقع المرارة..
ولو في يوم طلبتي منه يقول لك كلمة حلوه سيقول لك مش عامل حسابي ويقعد يفكر 3 سنين وبعدين يقول لك أحبك ويقعد يشوف تأثيرها عليك ويحلله؟؟نظااااام شلل رعاش بدري.... بدري
خليه يخلع يا أمي بدري بدري

6- أما إذا كان يقعد يقطع في الأكل مثل ما يكون بيتخانق ويخبط في الطبق من الغل.. ويقطع اللحمة زى ما يكون يذبحها. ويتفتف.. ويتكلم.. طول ما هو يأكل .. هذا شخص عصبي جدًاااا.. ومع أول زعل بينكم هيخبطك بالكرسي في راسك أو بالسكينة في عينك و يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيك.. معليش
"أنت اللي معليش .. برَّه يا حبيبي وخد الباب في يدك""

7-أما إذا كان قرفاااان دائمًا ومش عاجبه العجب ولا الصيام في رجب.. يع.. الأكل مش مضبوط.. بع.. الزيت كنير.. الملح قليل ..
يا ساتر.. هذا محشي ولا مووووز.. أف.. الرز مش مستوى.. المقرونة معجنة..
إذا كان هكذا توكلي على الله وهاتي أقرب ساطووووور عندك
وأنا أعرف لك واحد محامي يطلعك منها مثل الشعرة من العجين..
ههههههههههههههههههههههههههههههههههه
و الأحسن منهذا كله ..

فيها القعدة في بيت أهلك ؟؟
اشفوا غليلكم يا بنات منهم